زوجي ترك غرفة النوم !!!

 زوجي ترك غرفة النوم 

وصار ينام في المجلس… ولما راقبته عرفت السبب.

صار له فترة ما ينام في الغرفة، وكل يوم له عذر.
مره يقول صداع، مره يقول متضايق، ومرات يسكت كأن ما في شي.
أنا ما كنت مرتاحة، بس سكت… لين حسيت إني فعلاً ما أعرف شاللي قاعد يصير.

زوجي لا يحب النوم معي

راقبته.
ما كنت ناوية أفتش ولا أراقب، بس كنت أبي أفهم ليش البعد؟ ليش التغير؟ ليش صاير يتجنبني بهالشكل؟

واكتشفت إنه يكلم وحدة.
والموضوع مو مجرد دردشة، الموضوع وصل لكلام جنسي وتسجيلات ومكالمات سكس.
هو نفسه اللي كان يقول لي: "ما أطيق أي وحدة غيرك، ولا أحب أشوف أحد غيرك."
الحين صوته كله غنج وغزل لوحدة ما أعرفها، وأنا ساكنة معاه تحت سقف واحد وكأني غير موجودة.

زوجي ترك غرفة النوم

واجهته، ما أنكر، قال:
"مجرد فضفضة، ما صار شي فعلي."
بس بالنسبة لي، اللي سواه خيانة. مو ضروري تكون الخيانة جسدية عشان توجع.

أنا الحين مو قاعدة أنتظر أحد يواسيني، ولا أدوّر أحد يقول لي "مسكينة".
أنا قاعدة أفكر بواقعية:

• رجل ما احترمني.

• غيّر تصرفاته من دون ما يواجهني.

• يبرر خيانته بكلمة "تفريغ".

نوم الزوج بعيد عن زوجته

السؤال الآن:
هل أطلب الطلاق؟ ولا في مجال ينصلح؟
هل أواجه أهله؟
هل أضغط عليه يعالج نفسه أو يتعالج؟
ولا أنهي كل شي وأبدأ من جديد وأنا مرتاحة من وجع الشك والخيانة؟

أنا ما أبي أظلم أحد، بس ما أبي أظلم نفسي بعد.
أبيه يتحمّل مسؤولية اللي سواه… وأبي أسمع من اللي مرّوا بتجارب مشابهة: هل في رجعة بعد هالنوع من الخيانة؟ ولا الطلاق أهون؟

هنا أيضا مشكلة زوجية في الفراش تنتظر منكم حلا: زوجي ترك غرفة النوم عشان  السكس فون!!!!