زوجي ضعيف الرغبة وأنا محتارة وش أسوي؟

 زوجي ضعيف الرغبة وأنا محتارة وش أسوي؟

السلام عليكم ورحمة الله وبركاته،

أنا متزوجة لي ستة أشهر تقريبًا، ومن بداية زواجنا والمشاكل ما تفارقنا، صراخ، عناد، سوء تفاهم، حتى حسيت إن زوجي ما يرغب فيني كثير.
العلاقة بيننا صارت باردة جدًا، الجماع يمكن يصير مرة كل أسبوعين بالكاد، وأحيان تمر أيام وأنا أتحسر على حضنه وكلمة منه.

زوجي أغلب وقته تعبان وماله خلق، دايم نايم أو مشغول بحاله، مع إنه مو مقصر عليا ماديًا ولا يجرحني بالكلام، ولا قد أذاني، بس الشي اللي مضايقني جدًا هو ضعفه الجنسي في السرير.

أنا ما أقول عن نفسي إني صاحبة شهوة قوية أو أبغى كل يوم، لكن ودي أحس إني مرغوبة، إني أنثى قدام رجل، لأني دايم أسمع إن الرجال طاقتهم عالية، وإنهم يعبرون عن حبهم لزوجاتهم بالعلاقة، وأنا ما لقيت هالشي معه.

صار عندي إحساس إنه ندمان إنه تزوجني، أو إنه تزوج وهو أصلاً مو قادر يتحمل مسؤولية زوجة وبيت، لأنه دايم متضايق، قليل كلام، وحتى الحنية ما أشوفها بعينه.

فكرت أعدل نظام الأكل بالبيت، وأهتم بمشروبات وأكلات تقوي الرغبة للطرفين، يمكن يتحسن الوضع، يمكن أساعده بطريقة غير مباشرة، لأني مو حابة أفتح الموضوع معاه بشكل يجرحه أو يضايقه.

سؤالي:
هل فعلاً ممكن يتغير حالنا لو غيرت بالأكل والمشروبات؟
وهل في أحد مر بنفس حالتي؟
كيف أتعامل مع زوج ضعيف الرغبة وما يطلب زوجته إلا كل أسبوعين؟
تكفون دلوني، تعبت من التفكير، وودي ألاقي حل بهدوء ومن غير مشاكل.