زوجي ممل وبارد، وروتيني وبيتوتي، وسوالفة مملة، وحياتي معه مملة، ومليت منه، ومن طبعه، ومن حياتي معه، مليت من زوجي البيتوتي، البارد، زهقت، وواصلة حدي وأخاف أسوي فيه شيء من الزهق!!!!
زوجي ما يحب يطلع من البيت، ولا يطلعنا ولا يحب يزور أحد ولا أحد يزورنا، وما يحب يغير روتينه، روووووووووووووتيني في حياته، يمشي على جدول ثابت، كل يوم نفس الروتين، كلامه قليل وسوالفة مملة تزهق، ما يعرف يسولف، وهذا شيء طبيعي لأنه ما عنده ربع يسولف معاهم، وحيد، ما قد سمعته اتصل على صديق أو قريب له،
وأنا على عكسه تماما عندي الكثير من الصديقات والقريبات، وأحب الخروج والنزهات، وبشكل خاص النزهات الجماعية التي تجتمع فيها العديد من العائلات، لكن زوجي يكره هذا النوع من النزهات ويصفها بالمزعجة والمحرجة، يقول بأنه يستحي من الخروج في مجموعات كبيرة أمام الناس!!! مرات أشوفه متكبر وشايف حاله، وما يحب الناس أصلا.
كثير روتيني يعيد يومه كل يوم نفس التصرفات والسلوكيات ونفس حتى الكلام يعني أول ما يقوم من النوم يقول صباح الخير وبعدين يدخل الحمام وبعدها يطلع ويفتح التلفزيون على قناة الأخبار ويجلس يتريق ويشرب الشاي وبعدها يلبس ويطلع الدوام، يرجع الظهر يتغدا وينام يقوم ويجلس في الصالة ياكل حلا ويطالع التلفزيون، أو يجلس في الحديقة يشرب شاي، إلى الساعة سبعه يجيني يقولي تعالي غرفة النوم!!! بعدها يتعشى وينام وهكذا كل يوم كل يوم ما فيه أي تغيير في يومه، وإذا قلت له خلنا نطلع نتعشى في مطعم أو نتمشى في مكان يقول مضيعة وقت !!! اقرأ أيضا ( رواية ألم ليلة الدخلة ) رواية رومانسية جريئة رائعة..
طيب أساسا ما عنده شي يسويه، جالس في البيت يا إما يطالع في التلفزيون أو يطالع في الحديقة ما عنده شغله فليش الخرجات مضيعة وقت!!! جاب لي الكآبة ما عدت قادرة أتحملو يا ناس شوفو لي حل معاه....
يمكنك أن تترك هنا
تعليقك على المشكلة كمجهول،
دون الكشف عن هويتك،
ليست هناك تعليقات:
إرسال تعليق