زوجي يربطني ويعذبني ويشد شعري وقت العلاقة

 زوجي يحب يعذبني وقت العلاقة ويهينني بحجة الحب.. مدري هو مريض ولا المشكلة فيني؟

السلام عليكم..
أنا بنت متزوجة من شهرين، والحمدلله الناس تشوف إن زواجي شكله حلو ومرتب، بس اللي داخل بيتي غير عن اللي برا.
زوجي دايم يقول لي إنه يحبني ويموت فيني، بس وقت العلاقة يتحول إنسان ثاني.. يحب يقيدني بالحبال أو بحزام، يربط يدي ورجولي، وأوقات يسكر فمي بيده أو بقطعة قماش، يشد شعري بطريقة توجع، وأوقات يضربني على وجهي أو جسمي وهو يجامعني، ويقولي إن هالشي يزيده شهوة ويخليه يشتاق لي أكثر.

أنا بالبداية خفت، بس حسيت إنه يمكن شي طبيعي أو من باب "تغيير" زي ما يقول، وقلت يمكن المشكلة فيني لأني ما أبي أزعله.

بس السالفة صارت تزيد، حتى بالحياة العادية صار يتعصب من أي شي تافه، يعني لو ما سكرت الشباك، لو تركت علبة مغطاها نص نص، أو لو كنت جالسة مكان ما يبي.. فجأة يعصب، يصرخ، يسب، يشتم، أوقات يصفعني، يرميني بكلام ثقيل وألفاظ قذرة.

واللي يقهر إنه كل مرة بعدها يحلف لي إنه يحبني وإنه ما يقدر يعيش بدوني، وإنه أنا أغلى وحدة بحياته، ويقنعني إنه هو كذا لأنه يعشقني زيادة، وأنا مدري هو فعلاً مريض نفسي ولا أنا اللي ضعيفة وخايفة أوقف بوجهه.

أنا خايفة يتطور الموضوع أكثر.. لأنه يوم عن يوم قاعد يفقد احترامه لي، لا بقى يشوف لي قيمة، ولا يحترم رأيي، ولا يهمه مشاعري.
والمشكلة إني ما أقدر أفضفض لأحد من أهلي ولا صديقاتي، أحس بخوف وذنب بنفس الوقت.

أنا ودي أفهم.. هل هذا سلوك طبيعي بين الأزواج؟ ولا هو شخص يعاني من مرض نفسي؟
أنا خايفة، وأبي نصيحة منكم.. شسوي؟ وكيف أتصرف؟ وكيف أعرف إذا ممكن يتعدل ولا مستحيل يتغير؟

الله يسعدكم عطوني رايكم.