اعتماد الزوج على راتب الزوجة، الزوج الذي يعتمد على زوجته، اعتماد الزوج على الزوجة في الإنفاق، الرجل الاتكالي
أنا موظفة من بعد زواجي، وكنت وقتها مبسوطة إنه عندي دخل يساعدني، وقلت بحسن نيّة "ما يهم، إحنا نكمل بعض".
بداية زواجنا، كان زوجي يعدني إنه هو المسؤول عن البيت، وأنا راتبي لي…
وياما قال: "فلوسك بجيبك، ولا أمد يدي عليها".
اعتماد الزوج على راتب الزوجة
بس شوي شوي… الأمور تغيرت.
صار يطلب مني أشياء بسيطة، مرة فاتورة، مرة مقاضي، مرة هدية لأمه.
لين مع الوقت صار يعتمد علي بكل شيء.
إيجار، فواتير، مصروف بيت، سفر، علاج…
الزوج الذي يعتمد على زوجته
والمشكلة إنه حتى إذا كان عنده فلوس، يلقالي حجة.
"أنا الحين مضغوط"
"عندي مشروع جاي"
"بس هالشهر"
"أنتي موظفة، وش ينقصك؟"
الزوج الذي يعتمد على زوجته
وصلت لمرحلة أنا اللي أدفع وهو اللي يأمر وينهي.
لو قلت له لا… يعصب، يخاصمني، ويقلب الموضوع علي…
"وش تبين الناس تقول؟"
"أنا رجال، وما يعيب الرجال إذا زوجته ساعدته"
طيب حبيبي ساعدتك، مو أشيلك من كل شي وأنت ولا همك؟
تعبت…
نفسي أحس إني متزوجة رجل يسندني مو رجل أنا شايلته على ظهري.
نفسي ألاقي حتى شي بسيط في البيت هو متكفل فيه.
والمشكلة إن صرت أخاف أطلب أي شي…
لأنه بيقول لي: "عندك راتب، خذي من فلوسك".
اعتماد الزوج على الزوجة في الإنفاق
وأحس قل احترامي بعينه.
صار يعتبر فلوسي حق من حقوقه.
مافي تقدير، ولا حتى اعتراف بتعبي.
ساعات أفكر أوقف شغلي بس عشان أعرف إذا كان بيصرف ولا لا…
ولا بيجلس يأكل ويشرب من خير أهله.
أنا وصلت حدي…
نفسيتي تعبانة، وأحس إني ضايعة وسط مسؤوليات ما لي طاقة فيها.
وأكرهه وقتها… أكرهه وأحتقر ضعفه.
يا خواتي…
وش أسوي؟
وش التصرف الصح مع رجال بهالشكل؟
هل في رجال فعلاً يتغيرون؟
ولا هالنوع يستحيل يتبدل؟
أنا صدق محتاجة رأيكم، لأنه كل يوم أحس قلبي يذوب قهر…
هنا مشكلة أخرى تشبه هذه المشكلة تنتظر منك حلا: زوجي يحرمني من كل شي وهنا أيضا: البقع الحمراء بعد التقبيل
يمكنك أن تكتب هنا
تعليقك على المشكلة كمجهول،
دون الكشف عن هويتك،
ليست هناك تعليقات:
إرسال تعليق