أنا متزوجة من ثلاث سنوات، وكعادة أي بنت، كنت حاطة آمال كبيرة في زواجي، كنت أتخيل إنه بيكون ظهري وسندي وحبيبي اللي ما يملّ مني حتى لو شافني كل يوم بنفس اللبس ونفس الوجه… كنت أحلم إنه يكون لي وطن.
زوجي احسه مل مني
في أول سنة، كان الوضع حلو.. يهتم، يسأل، يغازل، يقعد جنبي، يشتاق لي، حتى لو زعلنا بسرعة نتصالح…
بس من كم شهر، والله يا بنات، صرت أحس بشي يكسر قلبي.
صار وجودي زي عدمه..
إذا دخلت الغرفة، عادي ما ينتبه، لو لبست شي جديد، يمكن يطالع ثواني وبعدين يكمل جواله.
حتى سواليفنا خفت، ما عاد يسألني عن يومي، ولا عن نفسي، ولا عن تعبي، ولا يهتم لو ضحكت أو بكيت.
أسباب انقلاب الزوج على زوجته
العلاقة بينا صارت مجرّد واجب.. إذا طلب قرب، وإذا خلص قام نام بدون كلمة، لا حضن، لا سؤال.
أحاول أسولف، ما يرد إلا بكلمة..
أحاول ألفت نظره.. يعطيني ظهره.
أجهز له عشا وأزين البيت، يجي ياكل وبس.
والله يا بنات، إحساس إني صرت ثقيلة عليه قاعد يذبحني شوي شوي.
صرت لما أنام جنبه، أبكي بصمت..
أحس إنه ما عاد يشوفني زي قبل.
وكل ما أقول لنفسي يمكن مزاج، يمكن شغل، يمكن هموم… الأيام تثبت لي إنه فعلاً ملّ.
أنا ما أبغى أضغط عليه ولا أكون نكدية، بس قلبي يتقطع..
أنا لسى صغيرة، لسى أبغى أتحب وأتحضن وينقال لي كلام حلو.
ما أبغى أصير زوجة مهملة جنب رجالها…
حتى صرت أخاف أواجهه وأقول له “ملّيت مني؟” لأني أخاف من الجواب.
أخاف يقولها لي بوجهه، وقتها ما أدري وش بيصير فيني.
أنا الحين ضايعة بين إني أسكت وأسكت، وبين إني أواجه وأخسر آخر حبل رابطني فيه.
سبب تغير الزوج المفاجئ
هل إحساسي طبيعي؟
هل فعلاً الرجال يملون بهالشكل؟
ولا يمكن المشكلة فيني؟
ساعدوني يا خواتي، والله ما في قلبي إلا وجع.
اعتماد الزوج على الزوجة في الإنفاق
هنا مشكلة أخرى تشبه هذه المشكلة تنتظر منك حلا: زوجي يحرمني من كل شي وهنا أيضا: البقع الحمراء بعد التقبيل
يمكنك أن تكتب هنا
تعليقك على المشكلة كمجهول،
دون الكشف عن هويتك،
ليست هناك تعليقات:
إرسال تعليق