زوجي ضربني بسبب الجنس اوالفلوس !!!

 أنا متزوجة من 9 سنين، وعندي 4 عيال، الله يحفظهم. عشت مع زوجي حلو ومر، مو بنكر إنه في لحظات زينة بينا، بس تعبت وأنا أحاول أفهمه وأفهم كيف أتعامل معاه، خصوصاً لما نتهاوش أو يصير بينا زعل.

زوجي ضربني بسبب الجنس اوالفلوس !!!

أنا بطبيعتي إذا زعلت منه، خصوصاً إذا غلط علي وما اعتذر، ما أقدر أعطيه نفسي، حتى لو طلب فراشه. أحس مو من كرامتي إني أجامله وهو ما احترمني ولا قدر زعلي، ويزعل مني لما أسوي جذي، يقول: "كل ما زعلتي ما تعطيني حقي، وأنا كل مرة أراضيك!"، بس هو ما يعترف بغلطه، دايماً يقول: "أنا ما غلطت إلا لأنك سويتِ كذا!"، دايماً أنا الغلطانة، وهو الصح. مستحيل يقول كلمة "أنا آسف" حتى لو الدنيا قامت وقعدت.

وأنا ما أقول إني كاملة، أنا مقصرة، أكيد، كل حرمة مقصّرة بطريقة أو بأخرى، بس مو معناته إن كل شي يصير بينا يصير لومي أنا بروحي.

زوجي يضربني ماذا افعل

مرينا بأزمة مالية من كم سنة، وهو قرر يطلع قرض عشان نبدأ ببناء بيت. أنا فرحت بالبداية، قلت أخيراً بنستقر، لكن عقبها صار يستخدم هالقرض كوسيلة تهديد! كل ما تصير بينا مشكله، قال: "أنا بتزوج!"، مره من المرات اكتشفت إنه يكلم خطابة، وكان جاد، مو بس تهديد. بس يوم خلصت فلوس القرض، وقف كل هالحركات، كأن الزواج كان مربوط بالميزانية!

والحين، الطامة الكبرى... زوجي بيجيه ورث، يمكن يوصل لمليون ونص! ومن الحين قاعد يلوّح لي بالورث، يقول لي: "الفلوس جايه، فاضبطي نفسك، لا تفكرين تتدللين علي، لأن ما راح أتردد أتزوج!"، والله العظيم يا بنات، إني عايشة في توتر مو طبيعي. مو قادرة أفرح بالخير اللي بيجينا، لأني حاسة إنه بيستغله ضدي.

زوجي يضربني ويهينني ماذا أفعل

تخيلوا، قام يتكلم عن سفرات، وعن مشروع يبغى يفتحه، ويقول لي صراحة: "لو نجحت وصار عندي فلوس زيادة، ترى بزود حريتي"، ويقصد فيها الزواج الثاني. حتى لما أتناقش معاه يقول لي: "أنتِ طيبة زيادة عن اللزوم، لا تفكرين إنك تقدرين تمشين الأمور بس بالنية الطيبة!"

أنا صرت أخاف حتى أعيش اللحظة، صرت أفكر: هل هو فعلاً ناوي يغير حياتنا للأحسن؟ ولا هو ناوي يغيّرني أنا ويجيب غيري؟ أخاف ألاقي نفسي قاعدة في بيت جديد بس بوجود ضرة! أخاف ألاقيه سافر فجأة وقال لي: "أنا بسافر شغل"، وأكتشف بعدها إنه راح تزوج وحدة من وراي.

حتى لما مرينا بظروف قبل فترة، أنا اللي شديت حيلي ووقفت معاه، ما حسب لها حساب. ما حس بجميل، ولا فكر بمشاعري. أحس قلبي ما عاد يتحمل هالضغط، وكل مرة أقول أصبر، بس إلى متى؟

أنا اليوم ما أبي أحد يقولي اصبري أو احتسبي، أنا أبي أحد يطمني، أحد يفهمني، شلون أتعامل مع هالرجل اللي كل ما زادت الفلوس بيده، زادت أحلامه يتزوج، وقل إحساسه فيني؟

هناك مشكلة زوجية أخرى في الفراش بعنوان: زوجي يضربني ويجامعني