زوجي يقول انت بنت ليل, زوجي يقول انتي ماتشبعيني، زوجي يقول انتي حاره، زوجي يقول الحسي، عندي مشكلة وأبغي المساعدة, انا متزوجة من 10 سنين وعندي 5 اطفال, زوجي مخلوق غريب عجزت افهمة يعني مااعرف ايش يبغي، وطول الوقت أنا وهو مشاكل وهواش، مرة على نظافة البيت ومرة عشان الطبخ، ومرة عشان العيال، ومرة عشان المصروف، ساكنين أنا وهو في بيت أهلي، ببلاش، زوجي ما يدفع إيجار ولا حتى عن الكهرباء، أبوي يدفع كل شيء.
زوجي يقول انت بنت ليل
يعايرني ويقول أنتي ما تهتمي بنفسك، ولا تحطي مكياج، ولا كريمات، وما عندك عطور تشهي، حتى ملابسي ما تعجبه، يقولي ملابسك زي ال عجايز طيب من وين أجيب إذا كان راتب زوجي ضعيف، وبالعافية يكفينا لآخر الشهر، صرت ماشتري عشان اوفر واشتري لاطفالي وما احرمهم من شي، ولو جتني فلوس اقول أطفالي اولى بيها، انتو تعرفو مصاريف الأطفال وهم 5 مو واحد.
أكيد أنا أبغا أجيب لنفسي كل شيء حلو، أبغا ألبس وأتزين واحط مكياج وعطور لكن يعني المكياج والكريمات والملابس والعطور تحتاج ميزانية من وين أجيب؟
زوجي يقول انتي ماتشبعيني
وفوق كدة ما يلمسني بالشهور مقصر في العلاقة الزوجة، وإذا جاني أحس إنه مغصور أو يجامعني وكأنه واجب عليه بدون إحساس ولا مشاعر لا يحضني ولا يبوسني ولا حتى يقول لي كلمة حلوة.
ولو طلبت منه أو تقربت وحاولت أثيره يقول طالعي في شكلك وريحتك كيف أشتهي وحده مثلك ما تهتم وريحتها خايسة!!! طيب كيف اهتم وانا ماني حاسة اني مرغوبة، كيف أهتم لرجال ما يحبني ومايهتم فيني، وكيف أهتم انا ما عندي شغالة وعندي 5 اطفال وما عندي فلوس أشتري واهتم.
وفوق هذا كله اكتشفت انة يشوف افلام سكس يعني صعبت علي نفسي مهما سويت له ما أقدر أغريه أو أحرك مشاعره وهو كل يوم يشوف وحدة شكل من الافلام، وكل ما طلبته وقلت له أنا محتاجة حقي الطبيعي والشرعي منه، يقول يا يبغي وما له نفس، ويجرحني بالكلام يقول انتي ممحونة ايش صارلك ولا بنت الليل مو زيك اشبك بس تبغى جماع ماتتهدي وانا والله ماطلبة الا لاني ميتة فيه واعشقة وهو ولا هو هنا
تعبت تعبت تعبت مااعرف كيف اتعامل معه انا عند اهل وابغى الطلاق صعبت علي نفسي
ايش الحل معه انا كنت احبة بجنون لاكن الان كرهتة من تصرفاتة ماني عارفة من مين الغلط مني ولا منه هو، انا عندي الحب من غير سبب وهو يقول الحب لازم بسبب الحب المشروط بالنسبة لي مو حب االي يحب احد يحبة بكل حسناتة وسيئاتة وما يحب لاي سبب
وما يحاول يغيرة ويتعايش معه بكل جوراحة ولو طاح يشيلة ولو مرض يوقف معه، موزي زوجي يطلب الكمال وهو شي مستحيل يبغاني على كيفه وهواه.
يعني لو هو كامل يطلب الكمال لاكنه هو نفسه انسان كله عيوب وانا حبيتة بكل عيباته، ولا طلبت منه شي فوق طاقتة عشان لا يزعل او يتكدر بس هو مافي شي يرضيه، الانسان يرضى بالقليل يعني البوسة والضمة تكفيني، لو نمت وراسي على صدرة ملكت الدنيا في يميني
وهو مايرضى مهما حولت وحاولت وحاولت كل ماخلص من شي يبغى غيره ما يشبع، وانا تعبت ومليتتتتتت ساعدوني ووجهوني لان الحياة اتسممت ماعاد يطيق مني الكلمة و لا الحرف وبس طول الوقت مشاكل وجهوني وساعدوني خواتي ...
مشكلة زوجية محرجة في الفراش هنا: زوجي مايحب قمصان النوم العريانه
يمكنك أن تترك تعليقك هنا كمجهول،
دون الكشف عن هويتك،
ليست هناك تعليقات:
إرسال تعليق