أنا متزوجة من ثلاث سنوات وشوي، من قريب لي. والحمد لله، ربي رزقنا بأولاد، يعني ظاهرياً أموري مستقرة، بيت وزوج وعيال، ما في شيء يبين من برّه إن في شي مو طبيعي.
زوجي معروف في العيلة، الكل يمدحه، الناس تحبه، يسمونه "الرجّال الجدع" اللي دوم فزعة، دوم واقف مع الناس، كريم، محبوب، عاقل، حتى كبار العيلة يرجعون له بالمشورة. يعني بالمختصر، زوجي برا البيت يُعتبر نموذج، الناس تحطه مثال، وكلهم يشوفونه رجل بمعنى الكلمة.
وأنا؟ أنا كنت من البنات اللي عارفين سمعته من قبل ما يخطبني. كنت أدري إنه يحب يلف ويدور على البنات، مو بس برا، حتى مع بنات العايلة. بس لما اختارني وخطبني، حسّيت بشي داخلي يقول “انتي غير، هو حبك انتي، وقرّر يستقر معك”.
كنا مخطوبين فترة طويلة، تقريباً ثلاث سنين، وكانت أيام فيها من الحلو وفيها من التوتر، بس كنت أقول طبيعي، أي اثنين يتعرفون على بعض تمر عليهم أشياء كذا. كنت متفائلة، وكنت صراحة أحبه، وفرحت إنه قرر يتزوجني، واعتبرت إنه يمكن راح يتغير بعد الزواج.
بس اللي اكتشفته بعد الزواج شي ما كنت متوقعة أبدًا.
زوجي برا البيت شخص، وجوا البيت شخص ثاني تمامًا.
قدام الناس وقور، رزِين، لسانه موزون، يحترم الكبير ويقدّر الصغير.
بس معي؟ بصراحة، ما أقدر أوصف اللي شفته، زوجي في علاقته الخاصة، يتصرف تصرفات غريبة، خياله واسع بطريقة مقلقة، يطلب أشياء أنا مستحيل أتقبلها.
كلامه في العلاقة جارح، وقليل أدب، وأحسه مو طبيعي أبدًا.
كأنه مو زوج، كأنه شخص ثاني داخل جسمه، كأنه طالع من بيئة ثانية ما لها أي علاقة بالشخص اللي الناس تمدحه وتشوفه محترم.
والكلام اللي يقوله؟ ما ينوصف، يخوفني، يخليني أتهرب من العلاقة، وأعيش توتر داخلي، لأني أحس إني مجبرة أسايره، وأخاف أرفض فيتغير علي، أو يتهمني إني مو زوجة كافية.
ولأن الموضوع حساس جدًا، مستحيل أقدر أتكلم فيه مع أحد من أهلي أو معارفنا، حتى أقرب الناس لي. أنا فعليًا عايشة مع رجل بوجهين، والناس ما تشوف غير الوجه اللامع، الهادئ، المثالي، وأنا لحالي اللي شايفة الوجه الآخر، اللي يخوفني، ويخليني أتساءل يوميًا:
“هل طبيعي أعيش هالتناقض؟ هل كل زوجين كذا؟ هل المشكلة فيني لأني ما تقبلت؟ ولا هو فعلًا مو طبيعي؟”
أنا مو ضد العلاقة الخاصة، ولا ضد التجديد ولا الانفتاح، بس اللي يطلبه ما يتصنف ضمن الطبيعي، وما أقدر أذكر التفاصيل لأنها صعبة حتى على الكتابة.
أنا ما أقدر أشتكي لأحد من العيلة، لأني لو فتحت هذا الباب، الناس ما راح تصدق، ويمكن حتى أقلب أنا المتهمة، لأنه هو عندهم "كامل ومتكامل"، وأنا بصير "المشوهة اللي طلّعت كلام ما له أساس".
أنا جايه هنا أطلب نصيحة، من وحدة مرت بتجربة قريبة.
كيف أتعامل مع زوج وجهه قدّام الناس ما عليه غبار، ووجهه معي قاسي وغريب ومزعج؟
هل أسكت وأسير معه عشان أمشي حياتي؟ ولا أرفض؟
وهل في طريقة ممكن أتكلم معه بدون ما يأخذها كأني أعيّره أو أتهمه؟
أنا تعبت، وأحس إني صرت أنفر منه أكثر من إني أحبه.
الله يجزاكم خير على أي كلمة، ولو حتى دعوة من القلب.
ليست هناك تعليقات:
إرسال تعليق