زوجي يقول تخيلي فيه رجال ثاني معنا في غرفة النوم، يقول تخيلي الرجال يسوي فيكي وأنا واقف أشوف، شو بتحسين؟! طبعا أنا قرفت وقلت له إيش هذا الكلام ما تستحي على وجهك إنت!! قال إشبك هذا مجرد خيال، خيال يا مرة خياااااااال!!!
زوجي كان رجال زين قبل ما يتعرف على وحده شلق، وأنا اكتشفته، وزعلت منه وقعدت في بيت أهلي زعلانه خمس شهور، ومن رديت لقيت زوجي صاير واحد ثاني، تصرفاته غريبة وطلباته في الجنس مريبه، يبغاني أتخيل إنه في رجال ثاني معنا في الغرفة، وإن ذا الرجال ينام معي وهو يشوفنا، وإنه يتفرج عادي وأنا المفروض أكون مبسوطه وأسوي له حركات تغيضه عشان هو يجيني بعده!!!
زوجي يجلس يشرح لي ويشرح كيف أتخيل وإيش أتخيل، وبعدين يقول الحين طبقي وقولي كلام كأنه الرجال واقف يسوي فيكي!!! طبعا أنا أجلس أناظر فيه لأنه ما فيه رجال غيره، المهم قال لي شو رايك نجرب نجيب رجال ونغمي له عيونه وهو ما بيشوفك ولا يدري عنك، ولا يعرف من أنت أو من تكونين، ونجرب هاللعبة!!!
طبعا أنا فكرت على طول إنه يمزح، وصرت أناظر فيه وأنتظر إنه يضحك علي ويقول أمزح معك، لكنه قعد ساكت يناظرني وناطر أقول له (إيه موافقة!!!) لكني فجأة قمت وصرخت في وجهه وقلت له إنته أكيد جنيت، خلاص أنت جنيت ما فيها كلام ذي، قم خذني بيت أهلي والله ولا الموت يردني لك، هنا هو سوى نفسه يمزح وصار يقول أنت صدقتي ومن ذا الكلام، وأنا كنت أمزح معك، وأنا بس أشوفك إيش بتشوين إيش بتكون ردة فعلك، وأختبر أخلاقك وكذا يعني...
سكت اسبوعين ثم عاد جاب نفس الموضوع ويطلب مني أتخيل في الفراش إنه معنا واحد، بعدين قال لو كان فيه واحد معنا في غرفة النوم ومغمين له عيونه ورابطينها عشان ما يشوفك، أنت شو بتسوين فيه؟! قلت له أرميه من البلكونه للأرض وأتصل بالشرطة وأقول لهم تعالوا شيلو جثته أنا رميته دفاعا عن النفس رجال غريب هجم علي في غرفة نومي!!! قام زعل وهو يقول أنت وحدة ما منك فايدة، إيشبك ما تفهمين، انا أقول لك تخيلي يا مرة تخيلي !!!
قلت له هالخيالات قذرة، ما أبغي اتخيلها، خلنا على تخيلاتنا القديمة، تعال نتخيل إني رقاصة، وأقوم أرقص لك للصبح، وأنت سوي فيني اللي تبيه، أو أتخيلك البودي جارد حقتي وأنت تنام معي في نفس الغرفة عشان تحميني وأن أسوي معك اللي أبيه، كانت هذي خيالتنا في بداية علاقتنا الزوجية، خيالات بسيطة، وكانت تمتعنا، لكن خيالات زوجي الجديدة غريبة عجيبة وفيها قرف!!!
طلع من غرفة النوم ومن البيت، ولا عاد رجع إلى الليل، طبعا أنا شكيت إنه راح لصاحبته، مع إنه يقول إنه خلاص تركها، وحلف لي يمين إنه ما عاد يعرف عنها أي شيء، لكن ذك اليوم شكيت إنه بعده معها، وإنها هي علمته عادات وأطباع قذرة في الفراش، وشكلها عودته على الجنس الجماعي اللي صرنا نقرا عنه هالأيام وعن انتشاره بين الشباب بشكل مقرف.
من دخل غرفة النوم أنا كنت مجهزة له ليلة رومانسية، ومعطرة غرفة النوم وناثرة بتلات الورد الأحمر على السرير وقلت عشان أنسيه وأنسى معاه الموقف اللي صار الظهر، لكنه دخل وطالعني وأنا لابسه له قميص نوم مثير، طالعني بإستهزاء من فوق لتحت وكأنه متكبر علي، وبعدين نفض الشرشف من الورد، ونام وهو يقول لا عاد تسوين هالحركات ما تعجبني وتخليني ودي استفرغ!!!
جرحني كلامه مرة وحسيت ودي أبكي، وسألته: إيش اللي يخليك تستفرغ، إيش ناقصني، إيش بي، جميلة ولله الحمد، وجسمي أحلى من عارضات الأزياء بشهادتك ولازلت مثل ما خذتني من بيت هلي وأنا عروس وأحلى كمان، ما نقص مني شي، ليش ودك تستفرغ من ثوبي؟!! إيش فيه ثوبي؟ أنيق وجميل وثمين ما جبته من سوق الجمعة، جبته من أغلى الماركات في أرقى المولات، والعطر اللي موعاجبك من العطور اللي كل الناس اليوم طايحة عليه، يعني إيش اللي يخليك ما ودك تنام معي، وتبي تستفرغ!!! جاوبني جاوب.
قام قالي : إيش تبغين أنت، أنا ما أريدك ما أريد أرقد معك، مليت منك، أنت غبيه وما تفهمين، وطبعك ما يعجبني، متحجرة ما عندك احساس، وأسلوبك قديم وما تحبين تغيرين وأنا تعبت منك ما أبغاكي، إذا ودك تروحي بيت هلك روحي خليني في حالي!!!
جتني صدمة، من كلامه الجارح، وكان واضح في اسلوبه إنه كارهني وقرفان مني، لكن الأسباب اللي قالها ما أقنعتني، واضح إن زوجي خلاص مات، الرجال اللي أنا تزوجته في البداية مات، وجاء واحد ثاني مكانه، طبعا فهمت شو مشكلته، زوجي يريد يزلقني معه للجنس الجماعي لأنه واضح إنه صار يعجبه وهو خلاص وده يكمل، ويبغي يرجع لحبيبته اللي عادي عندها تسوي كذا، وطبعا وجودي مخرب عليه ومشتت تركيزه وقاهره،
قلت في نفسي والله ما أخلي له البيت هذا بيتي وبيت عيالي، قلت له شوف إذا أنت صاير تكرهني وما ودك تشوفني قم خذ ملابسك وأطلع من البيت، ولا تخاف ما بعلم عليك أهلك ولا أهلي، لكن أنا ما بطلع من البيت، هذا بيتي بربي فيه أولادي، سمعت ولا كيف !!!
وكأنه ما صدق، قام جمع ملابسه وحمل شنطته وقالي بحول لك مصروف البيت والعيال على حسابك، وطلع، ترك البيت من ثلاث شهور وللحين ما فيه منه خبر، حتى ما يتصل يسأل عني، إذا اتصل يكلم أولاده بس، وياخذهم من عند الباب ويرجعهم لعند الباب، وما يدخل، مع إني بعدني على ذمته، ما تطلقت منه، بس أنا خايفة يكون طلقني بينه وبين نفسه وما يبغي يخبرني، لأنه يتجاهلني حتى سلام الله ما يسلم علي، وكأني أنا الغلطانه في حقه مو هو اللي غلطان في حقي !!!
جبت شوية مقالات من المنتديات والمواقع وقعدت أقرا فيها وأشوف كيف أقدر أرجع زوجي البيت، وحاولت أجرب معه كل الطرق اللي قريت عنها، بس زوجي أصلا مهو معطيني فرصة، يعني مسوي لي بلوك من كل مكان، ولا يرد على مكالماتي،
قررت أراقبه واشوف وين ساكن، جلست تحت مقر شغله أنتظره بسيارة صديقتي استلفتها منها عشان هو طبعا يعرف سيارتي، وسيارة صديقتي مخفي كلها، تبعته ولقيته دخل مجمع سكني ما قدرت أدخل وراه لأنه من عند البوابة في سكيورتي ما خلاني أدخل، سألته السيارة ذي من صاحبها ووين رايحة ما رضى يجاوبني وقال إنه ممنوع!
زادت شكوكي، رحت للمكان اللي تشتغل فيه صاحبته، وأنتظرتها تحت ومن طلعت من شغلها مشيت وراها بسيارة صديقتي، ولقيتها دخلت نفس المجمع السكني، وكان معها رجال خذته من تحت بنايه شكله يشتغل فيها، بس كان شكله مايع شوي!!! ما أدري كذا حسيت وهو يتمايل لها قبل لا تفتح له باب السيارة، صرت كل يوم أراقبهم، أخذت من عملي إجازة شهر بس عشان أفهم شو يصير مع زوجي،
جلست عند باب الكومباند أراقبهم متى يطلعو متى يدخلو شفت زوجي يطلع معهم الليل هم الثلاثة بس، ويروحون يسهرون ولاحظت إن زوجي يلاطف الشاب المايع أكثر حتى من البنت، وكأنه فيه علاقة بينهم، طبعا أنا أجلس بعيد ومغيره شكلي وصايره شارلك هولمز، وأراقب من بعيد ومغيرة شكلي شوي، عشان ما يحفظوني ويشكون فيني، وألبس كمامة المهم ما كان أي حد منهم منتبه لوجودي،
بعدها بديت أكون فكرة، إن زوجي يحب الرجال أو يحب الجنسين، وإنه معجب بذا الشاب ويريد يجيبه في فراشنا، يعني هو كان يخطط لذا الشي من البداية وكان يحاول إنه يقنعني أو يعودني على هالوضع، لأني لاحظت إن زوجي متعلق كثير بذا الشاب، وهو شاب مو من جنسيتنا، وجميل ووسيم، وما يبين عليه إنه سالب، إلا إذا الواحد يدقق في تصرفاته، وخصوصا يوم زوجي يكون موجود الشاب يصير يتصرف بطريقة غريبة وكأنه وحدة ممحونة!!!!
الغريب إن البنت كانت مبسوطة وعادي عندها، وتتعامل مع الشاب كأنه حبيبها، يعني ما فهمت هل زوجي هو اللي حبيبها أو الشاب أو كيف، ما فهمت، لأنها تلاطف الشاب طول الوقت وزوجي ما تلاطفه كثير، لكن زوجي يلاطف الشاب كثير وما يلاطفها إلا نادر، وكأنه البنت هي رجال صاحبه، والشاب هو اللي عشيقته، فهمتوا شي!!!
المهم أنا جلست أدرس وضع وحالة زوجي شهر، خلصت إجازتي ورجعت شغلي، بالي مشغول، سألت عدد من الإستشاريين الأسريين والإستشاريات، وكلهم أكدوا لي إن زوجي يمكن يكون شاذ موجب، أو يمكن إنه يحب الجنس الجماعي، ومن ذا الكلام وقالوا مثل هالحالات حلها صعب جدا، يعني جابوا لي شعور باليأس، لكن أنا أذكر زوجي زين، عشرة عمر أنا وياه، حتى من قبل الزواج، أعرفه من الطفولة أبن جيرانا وحارتنا، ولعبنا وكبرنا سوى، ما يصير فجأة تطلع له عادات وأطباع غريبة، أكيد هذي الشيطانه اللي معه هي اللي دخلته ذا الجو القذر عشان تستغله وتاخذ فلوسه، لأن زوجي عنده خير ما شاء الله، ...
أبغي أستعيد زوجي، أبغيه، أبو عيالي أبغيه، ساعدوني، كيف أرجعه للبيت، ولفراشي، كيف أنسيه ذا القرف اللي طاح فيه !!!
هناك مشكلة محرجة أخرى في الفراش بين الزوجين: زوجي يطلب مني أتكلم مع أصحابه
يمكنك أن تترك هنا
تعليقك على المشكلة كمجهول،
دون الكشف عن هويتك،