أشعر بالنفور من خطيبي هل سأحب خطيبي بعد الزواج، كيف أحب خطيبي وهو غير جميل، كيف أتقبل خطيبي واحبه، عجزت أتقبل خطيبي، انفر من خطيبي، خطيبي مو عاجبني،
عمري 23 سنة، مخطوبة من شهرين تقريبا، وفيه اتصال يومي بيني وبين خطيبي، وفيه مقابلات أسبوعية تقريبا بينا، أخرج معه خرجات ونقضي مشاوير، وتقريبا خذنا على بعضنا وصرنا قراب، لكن فيه مشكلة مرة كبيرة وهي إني ما أحس ناحيته بالحب اللي أسمع عنه، ماني حاسة بأي انجذاب، وكأنه مو عاجبني، شكله عادي مرة، وأسلوبه عادي كمان، لكن مو عاجبني، جلستي معه تجيب لي الغثيان والهم، مع إنه سوالفه مرة عادية لكن ماني قادرة أتحمله
عندي نفور من خطيبي
أحسه غبي أو مو مثقف أو سطحي أو يعني أحس نفسي أذكى منه وفاهمة أحسن عنه وهذا الشيء مرة منرفزني، خطيبي كسول وبطيء وبارد، صار لنا شهرين نطلع ونقعد لحالنا بالساعات لكنه ما حاول ولا مرة وحده إنه يلمس يدي أو يبوسني أو يتقرب مني بأي طريقة وإذا لمحت له يتجاهل تلميحاتي وهذا الشي مرة قاهرني وأفكر إن وضعه مو طبيعي،
لا أستطيع تقبل خطيبي
صديقاتي يقولون يمكن يكون خجول أو يمكن يكون ما له في النسوان يعني ( من اللي بالي بالكم ) وبصراحة صرت أشك في الموضوع بسبب بروده الشديد معي، لأنه مو طبيعي أكون جالسه معه لحالنا ولابسه له ملابس مثيرة وشكلي يذوب الصخر وهو يجلس يناظر فيني بدون احساس ولا يتأثر ولا حتى شوي، وإذا جلست جنبه ما أحس بأي شيء، ولا هو يحس بشيء يجلس كأنه جالس مع أخته مو خطيبته !!!
غير مقتنعة بشكل خطيبي
حتى كلامه معي في الجوال كثير هادي وعادي وحتى إذا حب إنه يقول كلام حلو ما يعرف، حافظ كلمة حبيبتي وروحي ويرددها زي الببغاء، مو كأنه يقولها من قلبه، عجزت أحاول معه وألمح له لكن بدون فايدة الرجال في عالم ثاني، وكأنه شخص مو طبيعي، ما أدري إيش فيه؟
صرت أفكر أنفصل عنه وأنهي ذي الخطبة الكئيبة اللي جابت لي الهم والغم وقلبت حياتي لأني بديت فعلا أزهق حتى من سماع صوته، فهل ذا الشيء طبيعي يا بنات بالله عليكم جاوبوني.
يمكنك أن تترك تعليقك هنا كمجهول،
دون الكشف عن هويتك،
هناك 6 تعليقات:
حبيبتي لا تكذبين على نفسك، إذا ما فيه انجذاب من البداية فالموضوع صعب يتعدل، الحب مو شيء تصنعينه، إذا من الحين تحسين بنفور منه فتخيلي بعد الزواج؟ لا تورطين نفسك وتقولين "يمكن يتغير"، لأن مو دايم يتغير، وحرام تظلمينه وتظلمين نفسك معاه.
أنا أشوف إنك مستعجلة بالحكم عليه، مو كل الرجال يعبرون بنفس الطريقة، في رجال خجولين جدًا ويحتاجون وقت، خصوصًا إذا كان محافظ أو تربى على إن القرب من البنت غلط. يمكن يحبك بس ما يعرف يعبر، حاولي تتفاهمين معاه بهدوء، مو كل شيء لازم يكون زي المسلسلات.
أنا كرجل أقول لك، أحيانًا الرجل يكون محترم زيادة عن اللزوم ويخاف يغلط أو يضغط على البنت، فبدل ما تفسرين بروده إنه مو طبيعي، يمكن هو يحترمك ويخاف يتجاوز حدوده معك، خصوصًا إنكم لسه مخطوبين ما بينكم عقد شرعي على الأغلب، فمو كل الرجال راح يلمسون أو يبوسون.
اسمحي لي أقولها بصراحة: الرجال هذا مو طبيعي. البنت تلبس له وتتغنج وهو ما يتحرك فيه شيء؟ إما ما له خلق في النسوان أو عنده مشكلة صحية أو عقلية أو عاطفية، لا تروحين تضحين بشبابك مع شخص ما يحرك فيك شي ولا أنت تحركين فيه شيء، اصحي قبل لا يفوت الأوان.
النفور ما ينحل، أنا انفصلت عن خطيبي بعد ما اكتشفت إني ما أحبه، كنت أكابر وأقول يمكن بعد الزواج، يمكن بعدين، لكن ما قدرت أتحمله، والحمد لله إني انفصلت بدري، أحسن من أعيش طول عمري أمثل عليه.
يا بنتي هذا قرار مصيري، لا تستعجلين، استخيري وادعي ربك، إذا صدق ما ترتاحين له لا تكملي، الحياة ما هي بس زواج وسكن، لازم يكون فيه قبول ومودة، وإلا بتعيشين طول الوقت تحسين إنك سجينة.
إرسال تعليق